Ciciarada:boroeul

boroeu/boroeul in grafia milanesa

Par fà su questa vos chì gh'hoo usad 'me riferiment el Banfi, che 'l scriv boroeul con la ele, però el @Laurbereth el m'ha sgarzad la ele. Mi son minga n'espert, donca a domandi di ciariment in quant a 'sta question chì. Sig Pagot (ciciarade) 15:46, 10 des 2025 (CET)

Saluu, @Sig Pagot. In teoria, in milanes el sufiss -œu l’è parnonziaa senza la ella, e ind la classega milanesa el ven tegnuu istess e al singolar e al plural, ancaben che i dò parnonzi i saghen on ciccinin different (ved la sezzion parnonzia). Pœu vess però che la ella la torni a voltra ind ona quaj varietaa ariosa. Mì soo nò el pajes de l’autor o che varietaa del milanes l’insubissa ind la sò œuvra, ma se le scriv con la ella, a pœudom scrivel con la ella anca nunch e marcall ’me milanes de provinza. Podarisset confermà de indova l’è ch’el vegneva? --Laurbereth ☛ ✉ ☚ 21:10, 10 des 2025 (CET)

Son minga sicur d'indove el Banfi el gh'ha toeu i vos del sò vocabolari, ma del moment che l'è on liber de la fina del Votcent, podaria anca vess 'na version arcaica. In de quest vocabolari chì gh'hinn anca di vos che finissen senza la ella: magara in quell moment là la transizzion l'era minga de già completada e quaj paroll gh'haveven la ella e alter no.

Donca comè che gh'hem de fà? La marcom 'me 'na varianta ariosa, arcaica o senza nissuna specificazzion? Sig Pagot (ciciarade) 10:25, 11 des 2025 (CET)

@Sig Pagot: L’hoo marcaa giò ’me arcaegh domà ind la tabella di spelling, degià che la ven de on dizzionari del Vottcent. De solet, me pias minga marcà tutta la vosa coma arcaega perchè la parolla la pœu vess ancamò dovrada anca al dì de incœu. Hoo corregiuu el plural a “borœuj”, perchè i nomm che fenissen in -l vœuren semper la -j al plural. S’ciavo! --Laurbereth ☛ ✉ ☚ 22:05, 11 des 2025 (CET)