Jut:Come registràss

De Wiktionary
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

Registràss de fà?[modifega]

La registrazzion in sul Wikizzionari l'è minga necessaria, ma in ogni modo l'è consiliada: se poden fà di modifiche ai articol che gh'è sgiamò, opur se poden creà di articoi noeuv anca senza vesser registrad. Ma sìa se voeul interagì pussee con la comunità, l'è mei a vesser registrad: naturalment la registrazzion l'è a gratis, e la comporta minga de impegn de part vostra.

De fat, se te se registrareet, te gh'avareet un tò cunt sotman asca una serie de arnes util de lavorà mej in del Wikizzionari e confrontàss coi alter Wikizzionarista: un to spazzi personal, indove i informazzion principai sora de ti a inn trade insema de manera che i alter Wikizionarista i poden vardai, una pagina de ciciarada, la possibilità de tegnì d'oeugg di articoi e de vesser avertid quand che on quainvun el ghe fà on cambiament.

Dessorapù, ogni articol che te modificareet o crearet ti intanta che te see coness el sarà salvad come una toa contribuzzion de tì: donca te podareet conosser el to ver lavorà in del cors del svilup di proget Wikimedia (controlla chichinscì [1] i contribuzzion d'ogni utent). Dopo certo numer de intervent, te ciapareet el dirit de votà per i decision importante, e te fareet poeu anca diventà el lavorà per i altr'utent pusseee facil: chi gh’avarà un dubi a proposit d'on'articol che t'hee modificad ti, el podarà domandàt di informazzion diretament a ti.

Come registràss[modifega]

Per registràss:

  • Clica in su Crea un cunt in del canton in alt a drizza, e poeu mèt dent:
    1. el nom de l'utent catad foeura de tì;
    2. la toa parolla ciav (te gh'hee de metela dent do volte, per vesser sicur che te l'hee scrivuda sgiusta) ;
    3. la toa posta eletronica. La posta elettronica la serviss per fa in manera che i alter utent a poden toeu contat con ti (de tut i manere lor, i gh'avarann nò la possibilità de conosser el to adress de posta: el programa del Wikizzionari el te mandarà sò messagg per cunt de lor). La posta eletronica la serviss ancasì per havégh indree la parolla ciav in del cas che te se la desmenteghes (per quella roba chì a gh'è 'l pulsant Spedissom una parolla ciav noeuva con la posta eletronica).
  • A la schisca schiscia el pulsant Crea on cunt noeuv.

Come andà dent[modifega]

Ona volta che te see registrad, te gh'hee de ricordass de autenticàss per fa comparì i tò modifiche cont el to nom: l'è asee che te veet dent in la pagina de entrada e te impienisset i prim do caselle cont el to nom de utent e la toa parolla ciav, e poet te clichet in su Và dent. Se l'uso di cooki l’è ativad in sul tò compiuter, te gh'hee minga de autenticàss ogni volta, desgià che ‘l curiosador el ten a ment la toa parolla ciav in del cors di varie session: l'è assee a clicà in su la casella Tegnom conligad e fà comparì 'l segn de vist.

E poeu 'se l'è che 'l suced?[modifega]

Ona volta che te see registrad e coness, in la part de sora del schermo la voen foeura ona riga con 'ste vos chì:

  • Nom de l'utent - (naturalment el nom de la toa utenza): a clicàgh, te andareet diretament a la pagina de la toa utenza;
  • i mè discussion: questa chì l’è un'altra pagina personal 'dove i altr'utent i podarann lassat sgiò di messagg per ti, e ti te podet rispondegh a lor;
  • Preferenze: chichinscì te podaret inveci cambià i ona quai impostazzion, compagn per esempi de la parolla ciav, la manera de vardà i imagin e i formole de matematica, el fus orari, el sit di pagine, e via inscì;
  • Pagine tegnude d'oeugg: quand che te decidet de tegnì d'oeugg una pagina, te sareet avisad in questa pagina chì se vergun l'hà modificad l'articol che te tegnt d'oeugg;
  • Contribuzzion: chichinscì gh'è la lista di articoi che ti t'hee cread o modificad;
  • Và foeura: el serviss de desautenticass: se te ghe clichet de sora de là inanz, fin a tant al moment che te tornareet dent te sareet de noeuv un uten anonim (o ben, i to contribuzzion i comparirann come di contribuzzion de l'adress IP del to compiuter).

Dessorapù, in su l'articol o la discussion che te see dree a lensger, de là di solit targhete ("pagina", "discussion", "modifega" e "cronologia" comparissarann) a gh'è anca la targheta "sposta", che la te permet de spostà la pagina in esam a un alter adress (prima sicuress che i dagn i sìen minga maggior di vantagg, e magara presenta la reson perché te penset che la pagina la gh'avarìss de vesser spostada, de manera de podè valutànn la necessità) e "Sgionta la pagina a la lista di robe che te tegnet d’oeugg": a clicà chinscì, l'articol mostrad el sarà metud dent in di "pagine tegnude d'oeugg" e ti te sareet avisad di modifiche aportade in la pagina "Pagine tegnude d'oeugg ". Te podet anca tegnì d'oeugg i articoi modifegad de ti medesim, domà a ativà la casella "Ten d'oeugg quella pagina chì" arenta ai botoni "Met foeura la pagina" e "Fàm vedé prima". Infin , se te voeulet lassà stà de tegnì d'oeugg on certo articol, te gh'hee domà de tornà indree a l'articol medesim e clicà in su la targheta "Ten pu d'oeugg" che la ciaparà el post de "Ten d'oeugg", opur de fà on cambiament diretament in la lista di pagine che te tegnet d'oeugg.