Tute i linee guida del Wikizzionari se fonden sora i cinch pilaster che ne definissen i carateristeghe:
El wikizzionari a l'è on proget che 'l regoeuj on numer possibilment elevad de parolle. El wikizzionari a l'è né ona racolta de informazzion senza discerniment né on'enciclopedia. A l'è minga ona racolta de sorgent primarie ma putost on istrument secondari per propalà i informazzion; a l'è né ona biblioteca né on loeugh de reclamizàss, o on banch de proeuva per l'anarchia o la democrazzia; a l'è nanca ona lista di sit de la red o on sit indove che te podet meter foeura i to opinion, esperienze o argomentazzion; tucc i contributor i gh'hann de sforzàss de osservà i noster politeghe.
, El wikizzionari el gh'ha on pont de vista neutral, quest el voeul dì che a se sforzom, in di vos, de minga esprimer on unich pont de vista.
El Wikizzionari a l'è liber, donca el so contegnud liè modifegabel de chissessia. Tut el test a l'è rilassad second la licenza GNU Free Documentation License (GFDL) e donca el po vesser citad o distribuid conforma a qusta licenza chì. Ten a ment che i vos i poden vesser modifegade de chissessia e a inn minga sota el controll d'on unich utent; de conseguenza ogni roba che te sgiontet o te cambiet, a soa volta, la po vesser cambiada liberament e spampanada a la comunità. Mèt nò denter del material protesgiud de dirit de copia o con licenze in contrast con la GFDL.
El wikizzionari el gh'ha on codes de condota cont el fin de rivà al Wikizzionari:Consens: rispeta tucc i wikizionarista anche quand che te seet minga d'acord con lor; compòrtess polit e cerca di preferì i bei manere; evita i atach personai o di facil sgeneralizazzioni; fa nò di guerre de modifeghe inutil coi alter utent, cerca inveci el consens, ten a ment che a gh'in 34 043 vos in del Wikizzionari lombard sora i quai lavorà e discuter; agìss de bona fed e fà nò dagn al Wikizzionari per sostegnì la toa opinion e valuta el lavorà di alter con l'istess bona fed. Cerca de parlà ciar.
El wikizzionari el ghiha minga di regolle fisse asca i cinch principi scrit in questa pagina chì. Donca cerca de vesser minga timid in del modifegà i pagine, perché el piasé del contribuì el comporta minga per forza de havégh de rivà a la perfezzion. Te gh'heet minga de havégh pagura de fà di pastizz: tute i version precedente d'ona pagina a inn salvade, donca a fà dagn al Wikizzionari in manera ireparabil a l'è impossibil. Ma ten ancasì a ment che, tut quell che te scrivareet el restarà per quei che vegnarà...
