Apendice:Paragon in lombard

Questa pagina del Wikizzionari chì l'è scrivuda in lombard, con la Noeuva Ortografia Lombarda

Te podet trovà 'sti contegnud chì anca in → Ingles, Italian

Lombard ocidental[modifega]

Tipo de paragon	Regola	Esempi
Paragon de magioranza (agetiv, paragon fra nom)	1) pussee + agetiv +de/che 2) agetiv + pussee + de/che	1) El March l'è pussee bell del Lessi 2) El March l'è bell pussee del Lessi
Paragon de minoranza (agetiv, paragon fra nom)	1) men + agetiv + de/che... 2) agetiv + men + de/che... 3) minga/no + (inscì) + agetiv + come	1) El March l'è men bell del Lessi 2) El March l'è bell men del Lessi 3) El March l'è minga inscì bel come 'l Lessi
Paragon de ugualianza (agetiv, paragon fra nom)	1) agetiv + come... 2) agetiv + compagn de/istess de... 3) tanto agetiv + quanto... 4) agetiv + tanto quanto... 5) agetiv (pl.) + compagn	1) El March l'è bell come 'l Lessi 2) El March l'è bell compagn del Lessi 3) El March l'è tanto bell quanto el Lessi 4) El March l'è bell tanto quanto el Lessi 5) El March e l'Alessio inn bei compagn
Paragon de magioranza (agetiv, paragon fra agetiv)	1) pussee + agetiv1 + che + agetiv2 2) agetiv1 + pussee che + agetiv2 3) pussee che + agetiv2, agetiv1	1) El March l'è pussee bell che inteligent 2) El March l'è bell pussee che inteligent 3) El March l'è pussee che inteligent, bel
Paragon de minoranza (agetiv, paragon fra agetiv)	1) men + agetiv1 + che + agetiv2	1) El March l'è men bell che inteligent
Paragon de magioranza (verb, qual se sia paragon)	1) termin 1 + verb + pussee (+ che + termin2)	1) Incoeu hoo mangiad pussee (che jer)
Paragon de minoranza (verb, qual se sia paragon)	1) termin 1 + verb + de men (+ che + termin2)	1) Incoeu hoo mangiad de men (che jer)
Paragon progressiv de masgioranza (paragon progressiv infra l'agetiv medesim)	1) semper/anmò pussee + agetiv	1) El March l'è 'dree a diventà semper pussee bell
Paragon progressiv de minoranza (paragon progressiv infra l'agetiv medesim)	1) semper men + agetiv	1) El March l'è 'dree a diventà semper men bell
Paragon progressiv de magioranza (paragon progressiv infra fras)	1) compù + fras1 + compù + fras 2 2) pussee che + fras1 + (con) pussee + fras 2	1) Compù te studiareet compù te imparareet 1a) Compù te diventet grand compù te diventet bell 2) Pussee ch' a mangi (con) pussee ch'a vegni grass
Paragon progressiv de minoranza (paragon progressiv infra fras)	1) manch + fras1 + manch + fras 2	1) Manch te studiareet manch te imparareet

Riferiment

Francesco Cherubini, Vocabolario milanese-italiano, 1839, Vol. 1 pag. 416
Claudio Beretta, A lezione di grammatica milanese, Circolo Filologico Milanese, pag.55

Lombard oriental[modifega]

Questa pagina chì la gh'hà de vesser an'mò tirada in pee.

lombard ocidental: pussee → lombard oriental: pioeu

lombard ocidental: men → lombard oriental: meno

Lombard alpin[modifega]

Questa pagina chì la gh'hà de vesser an'mò tirada in pee.