Ciciarada Wikizzionari:Regole per el spostament di vos lombarde

<c> o <z>

La SL la dovra "c" (denanz a "e", "i") e "ç" (denanz a "a", "o", "œ" e "u"), qe i pœl vesser lejide ind tute tre i manere ("cender", "ça"). Pense qe la NOL l'habie decidid de dovrar "sc(i)" come forma soralocala, ma ge saress de domandar conferma ai qei plussee esperts de mé --Glz19 (ciciarade) 22:37, 8 feb 2023 (CET)

@Glz19: Me par de capì che la NOL l’è pussee fidela a la parnonzia de la parolla che la SL. A se podariss dì che i <sc> in di parolle compagne de “scià” sien sgiamò staite koinezade in quella manera chì (a credi?), ma a savarissi minga cossa dì par i <c> in di situazzion coma “center” e “zenter”, e anca in di sufiss compagn de -asc/-azz che refleten sgiamò di parnonzie diferente che esisten dedenter del dialet milanes midem. --Laurbereth ☛ ✉ ☚ 13:02, 11 feb 2023 (CET)

inferna/inferen/inferne

Fem cossè par quii nom chì? A respeggen soratut una diferenza inter-dialetal, l’è vera, ma sariss bell catàn fœura nomà vun par havégh un poo de regolarità in del fà i titoi in su quell sit chì. --Laurbereth ☛ ✉ ☚ 13:02, 11 feb 2023 (CET)

@Laurbereth: A gh'è nò ona soluzzion; donca gh'hem de andàgh adree al criteri de la variant pussee spantagada --Gat lombard (ciciarade) 13:39, 11 feb 2023 (CET)

“-erna” la sariss la variant milanesa, “-eren” quella bergomasca/bressana e “-erne” quella cremonesa (me par). Mi pensavi de tegnì bona la cremonesa perchè l’è pu o manca sgiamò una via de mez intra la bergomasca e la milanesa, ma la portaria di problema de sconfusion in dei agetiv, desgià che se te tegnet bon “esterne” anca al mascolin (plural e singolar) el se sconfondaria cont ol plural feminin. La situazzion l’è compagna anca a doperà l’“-erna” milanes; l’“-eren” l’è forsi quell che el ne daria la possibilità de fà un mester pussee ordinad in quell respecc chì. --Laurbereth ☛ ✉ ☚ 14:29, 11 feb 2023 (CET)

<sc> o <z>? infra do forme coeuna con <z> e l'altra con <sc> se cata foeura la forma con <sc>

Se regordi nò quand che havevem sgiontad questa chì, ma soo nò ’me motivàlla ind la sezzion de la forma consejada. Qual sarissel el criteri per scernì sc inscambi de z? A volé ben vardà, a l’è la zeta che l’ha semper representad el standard milanes di class pussee colte, e nò la sc. Mì ghe metaria z, se l’è nò un problema. L’è ancasì la parnonzia pussee spantegada a orient anca al dì de incœu, quand che sc l’è una roba de nizza. --Laurbereth ☛ ✉ ☚ 11:16, 17 avo 2024 (CEST)

@Laurbereth: Soo nò la reson, podarissom mudà el regolament, ma l'è minga inscì important. --Gat lombard (ciciarade) 09:20, 18 avo 2024 (CEST)

El sistemi, inlora. A l’è nomà per ciarì fœura di situazzion compagne de quella de la pagina sciscià. --Laurbereth ☛ ✉ ☚ 12:10, 18 avo 2024 (CEST)

@Laurbereth: Oficialment dervèm on sondagge e se nissun l'è contra se cambia el regolament. --Gat lombard (ciciarade) 12:12, 18 avo 2024 (CEST)

@Gat lombard: Se te vœulet fàll partì, fall pura. Ma la me par una roba propri piscinina. --Laurbereth ☛ ✉ ☚ 12:30, 18 avo 2024 (CEST)

→ Wikizzionari:Sondagg/Sondagg_del_18_-_08_-_2024_-_10:56--Gat lombard (ciciarade) 13:00, 18 avo 2024 (CEST)

Mi me va ben in qualsessia manera. Se ti te diset in del sondagg che te see d'acord a la fin mudarém el rogolament. --Gat lombard (ciciarade) 13:03, 18 avo 2024 (CEST)