Wikizzionari:AutoWikiBrowser
|
Questa pagina del Wikizzionari chì l'è scrivuda in lombard, con la Noeuva Ortografia Lombarda |
L'AutoWikiBrowser (AWB) è un programa liber per modifegà i test del Wikizzionari in manera meza automatica e l'è stad svilupad per facilità e fà andà pussee a la svelta l'esecuzzion di mester pussee rompa-balle e sempr'uguai; l'AWB el fonziona assee a dover anca sota Wine in di sistema GNU/Linux ancaben che 'l sia minga suportad oficialment). A l'è in sostanza on programa de navigazzion che 'l derva in automatich ona pagina noeuva quand che l'ha finid el salvament l'ultima che 'l gh'ha lavorad adree,e 'l sugeriss - se l'è istruid a fàll – ona quai modifega (in sgener de formatazzion).
Utilizazzion
L'AWB el lavora sora ona lista de vos che la po vesser insgenerada:
- a partì di categorie (sempie e multiple) che i gh'hann denter di vos;
- per mez de l'istrument pagine che se conlighen chì che mostra i wiki-ligam che menen lilinscì;
- a partì di wiki-ligam present in del corp de la vos;
- a partì d'on fail de test local;
- a partì d'ona ricerca in sul Google;
- a partì de la lista di pagine tegnude d'oeugg o de quella di contribuzzion de l'utent.
El codes-sorgent a l'è disponibil sota la licenza GPL e l'è stad scrivud in C# con l'ambient de svilup Microsoft Visual C# Express Edition (che se po descaregà a gratis del sit de la Microsoft).
L'AWB el gh'ha denter ona fila de fonzion predefinide che poden vesser drovade a dover in sul wikizzionari, e 'l permet de caregà di moduli personalizzad in Visual C#.
El ligam per descaregà l'AutoWikiBrowser l'è: https://sourceforge.net/projects/autowikibrowser/
Politega d'utilizazzion in sul wikizzionari in lengua lombarda
I poden drovà l'autowikibrowser:
- I bot, senza limet;
- I aministrador, senza limet;
- I alter utent de poeu de havé domandad l'autorizazzion, cont on limet massim de 50 modifeghe al dì.
Come ciamà l'autorizazzion per podé drovà l'AutoWikiBrowser
I poden fà la domanda per podé drovà l'AutoWikiBrowser domà i utent che habien sgiamò fad almanch 150 modifeghe al wikizzionari e che sien registrad de almanch 15 dì.
La domanda la sarà aprovada de lì a 7 dì senza discussion foeura che 'l caso che l'utent el sia stad in precedenza blocad per vandalismo.
Se l'utent l'è stad blocad per vandalismo in di ultim 3 ann la domanda la gh'ha de vesser metuda denanz a l'aprovazzion de la comunità per 14 dì.
Per dervì ona domanda de permess, clica in sul boton chì de sota:
(In de la pagina che de creà, sostituìss " <!--scrìv chichinscì el nom de l'utent--> " cont el tò nom-utent donca crea la pagina)
Ocio:
- L'utilizazzion de l'autowikibrowser per reson de vandalismo la comportarà la revoca de l'utilizazzion de l'autowikibrowser e nessuna noeuva domanda de utilizazzion la podarà vesser fada per 1 ann. L'utenza principal la sarà blocada per 1 mes in caso de vandalismo in serie a pussee de 10 pagine fad con l'Autowikibrowser: in cas de vandalismo a on numer inferior de pagine a ghe sarà aplicada a l'utenza principal inveci la politega del bloch di utent.
- I bot i gh'havarissen de vesser autorizad a drovà l'AutoWikiBrowser senza bisogn de fà la domanda. Donca semai che 'l nom del to bot el sia minga dent in de la lista di utent autorizad ciàmegh a on aministrador de sgiontàt.
- Se a ghe n'è stad minga de aministrador ativ che i hann scodud la toa domanda te podareet drovà nò l'autowikibrowser condemanch de diventà ti on aministrador e donca sgiontàss ti medem a la lista di utent autorizad.