Wikizzionari:Pagine de scancellà subit
|
Questa pagina del Wikizzionari chì l'è scrivuda in lombard, con la Noeuva Ortografia Lombarda |
In sti casi chì se po domandà el scancelament subitani:
- Pagine voeuje, de proeuva, senza significad o con di contegnud senza sens (per esempi: "ciao", "ma ghe se po scriver chichinscì?", "ajaissnsdfuf"), pagine tautologiche (con contegnud ugual o ecuvalente del titol quant al so contegnud informativ), di bambanade evidente;
- Articoi che gh'hann dent domà di fras ofensive e/o volgar e/o che in ogni modo a difamen di persone, di aziende, di istituzzion o di entità in sgeneral;
- Pagine fade su domà de ligam de foeura o ruf che fann la reclam di prodot, servizzi o persone; curriculum vitae personai;
- Pagine orfene, con di titol sbajad e cont el contegnud istess de alter pagine sgiamò presente
(i requisid gh'hann de vesser soddisfad tucc insema: se fudessen domà orfen i gh'hann de vesser conligade, se g'havessen domà on titol sbajad i gh'hann de vesser spostade a quell giust, se fudessen domà eguai d'un'altra, gh'hann de vesser metude insema; - Categorie senza vos e senza sot-categorie foeura che ona quai categoria de servizzi segnalada aposta;
- Pagine provisorie creade per l'inversadura de la redirezzion
- Redirezzion con di refus in del titol opur di redirezzion a pagina che la gh'è nò;
- Discussion de pagine sgiamò scancellade;
- Pagine sgiamò scancellade per decision de la comunità e creade de noeuv senza havegh trà via i motiv ch'i hann portad a la scancellazzion;
- Violazzion complete del dirit d'autor;
- Pagine del spazzi di nom "Utent:" col titol el corispond a nissun di utent registrad;
- Parolle minga lombarde e senza definizzion;
- Locuzzion, in del cas che el significad de la locuzzion l’è minga divers de quell di parolle deperlor miss voeuna arenta a l’altra;
- Parola foresta senza indicazzion de la lengua d'orisgen;
- Parolla trasferida d'un alter proget e senza wikificazzion (la decision se 'l vaò el prezzi de wikificàlla l'è lassada al bon sens del revisor de la pagina);
- Parolla in una lengua che la gh'hà minga un codes ISO 639 o che la sia minga compresa infra i cas particolar di lengue senza codes acetade.
- Redirezzion che gh'hann come titol on italianismo minga acetad in sul wikizzionari sgiamò scancellad (naturalment l'è de scancellà domà la part de la pagina che la gh'ha dent la redirezzion e minga la pagina intrega che la gh'ha dent de solit anca la parolla in italian.)
Te gh'hee de segnalà i pagine de scancellà subit cont el model {{scancellà subit}}, e la pagina segnalada la finirà in la categoria Pagine de scancellà subit, e poeu un quai aministrador el passerà dent a netà.