Wikizzionari:Sondagg/Sondagg del 3 - 01 - 2023 - 14:51

Discussion averta

La discussion la restarà averta per 15 dì, in del cors di quai se crecarà un'acord. Se 'l restarà un quaivun contra se dervirà la votazzion. In la votazzion domà i utent con Wikizzionari:Dirit de voto i poden votà.

Argoment de la discussion:Creazzion d'ona categoria de utent noeuva: i utent de San Martin ("mover")

Sii d'acord de domandà a fabricator (https://phabricator.wikimedia.org/) la creazzion d'ona categoria di utent noeuva: i utent de San Martin o ben de ona categoria de utent che poden spostà i pagine senza lassà di redirezzion, o al cas sorascriver di pagine senza fà di dagn. I utent de San Martin i gh'hann de vesser di utent prategh de linguistica e in particolar de etimologia, ma minga assee pratich per vesser elesgiud come aministrador.

La proposta l'è che: I utent de San Martin i gh'hann de vesser di utent che:

• Sien registrad in sul wikizzionari de almen on mes
• Habien fad almen 200 modifiche in sul wikizzionari
• Poden dimostrà de havé sgiontad 20 etimologie ai parolle
• Habien fad ona domanda per diventàll a moeud di domande per diventà aministrador

I utent de San martin poden perder el sò titol se ainn minga boni de fà el sò mester, con decision de la comunità.

Mi credi che 'l wikizzionari el gh'habia bisogn de questa categoria de utent chì, perchè gh'inn di utent, per esempi l' Eafoð, che 'l sariss bon de fà quell mester chì e perchè la NOL l'è ona grafia noeuva e gh'hem tante robe de giustà. In ogni modo se nissun el voeul diventà on utent de San Martin gh'havarem minga bisogn de domandàgh al fabricator el cambi de configurazzion. L'è minga sicur che 'l fabricator l'acetarà de mudà la perchè la comunità l'è piscinina. ( https://meta.wikimedia.org/wiki/Limits_to_configuration_changes/it)

Se 'n pensee? Coment:

• Mi me va ben, tant se anca i doperom no l'è no che gh'hem de pagàgh un salari :) --Sciking (ciciarade) 19:42, 3 gen 2023 (CET)

@Sciking: Desgià che in la discussion del sondagg sora i criteri per el spostament di parolle sèm 'dree a decider che 'l criteri l'è la media, mi disaria de toeu via la condizzion di 20 etimologie, ma disaria che vun el gh'ha de dimostrà de capì el mester donca el gh'havarà de fà la domanda e indicà in la domanda cinch spostament possibil in coerenza coi criteri.--Gat lombard (ciciarade) 16:20, 10 gen 2023 (CET)

(Coment del User:Glz19 raportad de: Wikizzionari:Sondagg/Sondagg del 3 - 01 - 2023 - 14:16)
4) [Soo miga se l'è just scriver-l qé o al saress de meter sota la discussion dei San Martin] Per qell qe al varda una nœva categoria de utents: se l'è indispensabel per mé al va ben, ma s'pœderess miga dovrar jamò qell qe g'è, e volzar ol numer de aministrador (opur permeter anca ai normai utents rejistrads de spostar i pajine)? Soo miga se g'è dei impediments o dei motiv qe i conseia de sqivar-l...
--Glz19 (ciciarade) 01:01, 11 gen 2023 (CET)

Ghe rispondi al @Glz19::

4) I utent normai poden minga spostà i pagine senza sorascriver e per cambià a variant del titol de la vos che gh'è bisogn de sorascriver voeuna di pagine de redirezzion che menen lì. I aministrador i poden fàll ma l'è minga giusta elesger di aministrador che inn minga boni de fà el mester de l'aministrador, domà per spostà i pagine.In tute i manere quest-chì a l'è on problema minor per adess.--Gat lombard (ciciarade) 23:21, 14 gen 2023 (CET)

Sondagg sarrad--Gat lombard (ciciarade) 21:38, 18 gen 2023 (CET)

A l'è stada fada la domanda a fabricator (https://phabricator.wikimedia.org/T327340) --Gat lombard (ciciarade) 21:38, 18 gen 2023 (CET)

@Sciking, Glz19: De 'sti dì quei de fabricator a inn 'dree a giustà la roba ma in d'ona manera compagna de quella di "extended mover" di alter proget o ben el sarà minga possibil sorasciver ona vos (e de fat l'è mej a fàll nò) ma 'l sarà possibil scambià dò vos voeuna con l'altra cont on passagg de mez, o ben el sarà possibil mudà la vos "B" in vos "A" e "A" in "B" cont el passà de "A" a "A (temporanea)", poeu "B" in "A", poeu "A (temporanea)" in "B" --Gat lombard (ciciarade) 23:06, 27 gen 2023 (CET)