Jut:Sotpagine
|
Questa pagina del Wikizzionari chì l'è scrivuda in lombard, con la Noeuva Ortografia Lombarda |
El po suceder che per ona vos el wiki-codes el deventa trop longh e dificil de vesser manesgiad se a se voeul modifegàll. Quest el po suceder per esempi quand che la pagina la gh'ha dent on quader di locuzzion[1] longh fiss opur on quader di traduzzion[2] estremament longh. La solozzion mijora in 'sti cas chì l'è quella de spostà el quader in d'ona sotpagina, o ben in del cas del quader di locuzzion tirà in pee ona pagina noeuva che la gh'ha come nom el titol de la vos/locuzzion, opur el titol de la vos/traduzzion e metegh denter el wiki-codes del quader di locuzzion o di traduzzion. La pagina de partenza de chì inanz la sarà ciamada "pagina mader".
- Note
Procedura per la creazzion di sotpagine[modifega]
- ciama la pagina col scriver la parolla in la casella de ricerca.
- quand che la pagina la compar, clica col boton manzin de la maneta in su "modifica 'l sorgent" in la sbarra de sora. (
Se te troeuvet "modifega" inveci de "modifica 'l sorgent" clica in su modifega e poeu passa de l'interfacia visual a la manera "modifica 'l sorgent" - a tegnì sgiò el boton manzin de la maneta del compiuter poeu con el stresigàl la maneta sora 'l test seleziona el codes de spostà, donca schiscia 'l boton dester e poeu seleziona "copia" col boton dester.
- Crea ona vos noeuva che la gh'habia come titol el titol de la vos/nom de la sotpagina (per esempi "andà/locuzzion" per la sotpagina "locuzzion" de la vos "andà")
- Modifega el sorgent de la sotpagina de creà con l'incollà el wikicodes apena copiad de la pagina mader. (Per incollà schiscia el boton manzin de la maneta e pou "incolla" col dester).
- Torna a modifegà la pagina mader per scancellà tut el codes del quader e scriv inscambi
{{sotpagina|''nom de la sotpagina''}}, per esempi in de la vos "andà" scriv{{sotpagina|locuzzion}}inscambi de tut el codes del quader. Inscì el wikicodes de la pagina el ven pussee curt e prategh de vesser drovad.
Nota-ben: Se la sotpagina di locuzzion la gh'ha de tegnì dent di robe per la parolla doperada per dò roeull diversi per esempi "verb" e "nom" te ghee de fà su si sotpagine pussee per esempi voeuna che la se ciama "andà/locuzzion" e l'altra "andà/locuzzion2" e lavorà a l'istessa manera ma 'l capita de rar.
Sotapagine "parolle che el lombard el gh'ha minga"[modifega]
On'altra razza de discors la gh'ha de vesser fada per i sotpagine di parolle che 'l lombard el gh'ha minga. 'Sta question chì l'è spiegada in la pagina "Jut:Parolle che el lombard el g'ha minga".