Wikizzionari:Neologismi

De Wiktionary
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

Cosse l'è on neologismo?

Questa pagina chì la gh'hà de vesser an'mò tirada in pee.


Al l'è possibil che on neologismo el sia ona parolla tant noeuva che ghe n'è minga de font che sostegnen la soa esistenza. On possibil neologismo el gh'ha de vesser segnalad, discuss e votad de la comunità.

Procedura per la segnalazzion/discussion/votazzion di neologismi

1. Segnalazzion

Modifega la pagina de la vos cont el scriver "{{neologismo}}" prima de "{{pn}}"

{{neologismo}}{{pn}}

In del cas per esempi che la segnalazzion de neologismo la sia fada domà per vun di significad de la parolla per esempi el "1" la sintassi l'è {{neologismo|1}}{{pn}}

2. Avetura de la discussion/votazzion

In la pagina apena modifegada schiscia in sul boton blu "Taca a discuter/votà el neologismo"; in automatich la se tirarà in pee ona pagina de servizzi noeuva indove che ti te tacareet a discuter/votà el neologismo e de lì inanz la discussion/votazzion l'è averta. Te podet anca despiegà perchè seconda ti quella parolla là l'è o l'è minga on neologismo e magara ciciarà coi altr'utent.

3. Sarradura de la discussion/votazzion

La discussion/votazzion la restarà averta per du mes e sarrada su dopo du mes foeura che i cas di sarradura antezipada o posticipada descrivud chì de sota.

Casi de sarradura antezipada

  1. Se ona font la fudess de vegnì a voltra in del cors de la discussion, la discussion la sarà sarrada su e la font la ghe sarà sgiontada a sezzion "Riferiment" de la vos.
  2. La discussion la sarà sarrada su subit anca se in del cors de la votazzion al rendes cunt che la pagina l'è de scancellà subit. In quell cas chì minga domà la discussion la sarà sarrada su ma in pu la pagina la sarà scancellada subit.

Casi de sarradura posticipada

  1. Se quand che a inn passad i du mes a inn nan'mò vegnud a votà almen 5 utent opur a gh'è nò ona magioranza (contraria) fada de almen 2 utent che i hann votad che la parolla l'è minga esistenta, o ben che l'è né on neologismo né ona parolla veggia, la discussion/votazzion la resta averta fina al moment che 'l quint utent l'havarà votad opur al moment a se sarà formada ona magioranza (fada de almen 2 utent) che l'ha votad che la parolla l'è né on neologismo né ona parolla veggia.
  2. Naturalment anca se a inn passad i du mes, se ona font la gh'havess de vegnì a voltra in del cors de la discussion, la discussion/votazzion la sarà sarrada su e la font la ghe sarà sgiontada a sezzion "Riferiment" de la vos.

4. Risultad de la discussion/votazzion

Foeura che in di cas de sarradura antezipada de la votazzion, dopo la sarradura de la votazzion:

  • Se la comunità la decidess che la parolla l'è nò on neologismo e nanca ona parolla che la poda stà in sul wikizzionari la pagina la sarà scancellada.
  • Se la comunità la decidess che la parolla l'è on neologismo la pagina la sarà tegnuda e la pagina de discussion/votazzion del neologismo la sarà indicada come font in la sezzion "Riferiment" de la vos.

Neologismi segnalad

Te podet trovà chichinscì tute i parolle segnalade come possibil neologismo de discuter.

Disussion/Votazzion averte

Te podet trovà chichinscì tute i discussion/votazzion averte a proposit di neologismi.

Sondagg correlad