Wikizzionari:Sondagg/Sondagg del 21 - 11 - 2022 - 09:54

Discussion averta

La discussion la restarà averta per 15 dì, in del cors di quai se crecarà un'acord. Se 'l restarà un quaivun contra se dervirà la votazzion. In la votazzion domà i utent con Wikizzionari:Dirit de voto i poden votà.

Argoment de la discussion:grafij acetaa

la lengua lombarda, el se sa, in del cors de la soa storia la gh'ha mai avuu on standard scritt finna a la creazion de l'ortografia Scriv Lombard e poeu de la Noeuva Ortografia Lombarda. Per quest al dì d'incoeu in su la Wikipedia in lengua lombarda inn accettaa do ortografij panlombard principai (Scriv Lombard e Noeuva Ortografia Lombarda) anca di ortografij locaj, ma minga tucc. El wikizzionari, traa in pee cont el fin de favorì on standard scritt de la lengua lombarda l'acetta domà i do ortografij panlombard principaj per scriv el titol di vôs e per i definizion. De dent in di vos, poeu, in de la tabella di variant se poden giontà i vari dialett e i vari grafij che sien compres tra quej accettaa.

L'è anca vera però che gh'inn tanti alter grafij pussee de quej acetaa. In la red se troeuven l tanti dizionari scritt in ortografij sul gust de quella milanesa ma ciaschedun de lor a la soa moda. A l'è on rebellot ortografich.

A proibì de scriv con 'sti grafij chì se perden 'sti moeud de scriv che purtropp per certi dialett al dì d'incoeu resten la risorsa principala de la red. A trà dent 'sti ortografij chì tra quei locaj accettaa se fà su domà on rebellot perché se slonga trop la tabella di variant e donca se bordega la pagina.

Gh'è però ona terza possibilitaa. Permett la creazion de sotpagin destaccaa de la pagina de la vôs, domà per podé scriv se vun el voeur anca di grafij de poca importanza.

In questa manera chì se rivarìss a creà ona classifica di grafij:

Grafij de primm rango: domà i grafij panlombard accettaa (con queste chì se poden scriver el titol de la vôs e i definizion)
Grafij de segond rango: i grafij locaj ma domà quej pussee important (con questi grafij chì se pò impienì la tabella di variant)
Grafij de terz rango: questi grafij chì inn minga permettuu in di vos ma se po pensà de trà in pee di tabell in di sotpaginl se vun el voeur.

...donca

Prima de tutt ve domandi se ne pensee de la classificazion di grafij in "primm rango", "second rango" e "terz rango" e de la gionta del terzo rango.
Poeu ve domandi se ne pensee a proposit del giontà come grafij de terz rango quej dei dizionari in linea e minga classificaa in di alter du ranghi.
Infin ve domandi se'n pensee di grafij accettaa incoeu o se l'è mej trann via ona quaivuna tra quej locaj accettaa e magara spostaj in del terz rango di trà in pee (terz rango = acetade domà in sotpagine).

--Gat lombard (ciciarade) 11:22, 21 nov 2022 (CET) (Test original in Noeuva Ortografia Lombarda che l'è stad voltad senza reson in ortografia milanesa classica de l'utent anonim 93.38.49.72)[rispond]

Coment

- Mé sont contrare a jontar ol "terz grado", se de no al vegneress for un rebellot inutel (e qest al respond ai prim duu ponts). Intra i grafie acetade a'l dé d'incœ, cirqeress de capir se efetivament g'è dei diferenze sostanziai intra la grafia ticinesa e 'l lesseg dialetal de la Svizera italiana... Se ge n'è miga l'è inutel hir-g la division. --Glz19 (ciciarade) 09:14, 22 nov 2022 (CET)[rispond]

@Glz19: Va ben, gh'hem però de decider che ortografie tegnì foeura de quei acetade: Mi disaria de tegnì dent de sicur tute quei che i gh'hann havud ona leteradura. el par che gh'habien minga ona leteradura quei de la valtelina e quella pavesa. --Gat lombard (ciciarade) 10:17, 22 nov 2022 (CET)[rispond]

@Glz19: A la fin mi disaria domà de sgiontà domà l'ortografia cremonesa a quei locai acetade. --Gat lombard (ciciarade) 11:24, 22 nov 2022 (CET)[rispond]

@Gat lombard: Per mé al va ben. Heet vardad per la quistion de la dobia ortogradia ticinesa? --Glz19 (ciciarade) 13:16, 22 nov 2022 (CET)[rispond]

@Glz19: El par che sien do ortografie diferente desgà che voeuna l'è nassuda ona centena d'ann inanz de l'altra. --Gat lombard (ciciarade) 13:26, 22 nov 2022 (CET)[rispond]

@Glz19: Hoo classificad i ortografie per importanza chichinscì e chichinscì e 'l par che ghe sien di grafie acetade domà perché a inn stade drovade in su wikipedia in temp indree ma che adess se usen pù e alter de la stessa importanza che a inn nò acetade, ma el problema per adess el gh'è nò perché tant nissun je sgionta in sul wikizzionari. --Gat lombard (ciciarade) 13:31, 22 nov 2022 (CET)[rispond]

@Gat lombard: Boh, a vardar-g i me sœmea prope l'istess lavor... Anca perqé ol LSI l'è una publegazion, miga una grafia, e 'l vocabolare del 1907 (qe l'è a la bas de l'ortografia ticinesa) l'è stait dovrad come font [1] --Glz19 (ciciarade) 16:28, 22 nov 2022 (CET)[rispond]

@Glz19: Però in su la Wikipedia i do grafie i gh'hann du pagine deperlore e i articoi in marcad come scrivud in LSI, in ogni modo questa roba chì l'è domà de capì e agì de conseguenza. --Gat lombard (ciciarade) 16:46, 22 nov 2022 (CET)[rispond]

@Gat lombard: In su la Wikipedia però g'è la pajina de la grafia ticinesa e qella della LSI (ma miga come grafia, come publegazion). Dixem qe l'è strana la cerna de la Wikipedia de ciamar la grafia LSI, forse (a l'epoca) per destinguir-la de la insé-ciamada "koiné de la ferrovia", qe adess l'è plu acetada --Glz19 (ciciarade) 18:03, 22 nov 2022 (CET)[rispond]

@Glz19: Speci on quaivun che 'l ne sa pussee. Se a inn l'istess grafia ai meti insema volontera --Gat lombard (ciciarade) 18:10, 22 nov 2022 (CET)[rispond]

@Glz19: A ghe l'hoo domandad al @Sciking: in su la wikipedia che l'ha respondud "In teoria la LSI l'è quella del vocabolari menter la ticinesa l'è quèlla fonetega doperada in Ticin, che la vegn de la LSI"--Gat lombard (ciciarade) 17:08, 28 nov 2022 (CET)[rispond]

@Gat lombard: Vest la risposta sont semper plussee convint qe i sies l'istess lavor... Capesse miga la diferenza --Glz19 (ciciarade) 00:33, 3 des 2022 (CET)[rispond]

@Glz19: El sondagg l'è sarrad e donca la modifica de la pagina l'è stada blocada. La discussion sora la differenza infra l'ortografia Ticinesa e l'LSI l'è domà ona question minga ciara de risolver e la pò andà inanz in d'on'altra part.--Gat lombard (ciciarade) 11:50, 6 des 2022 (CET)[rispond]

Discussion sarrada --Gat lombard (ciciarade) 11:37, 6 des 2022 (CET)

L'ortografia classica cremonesa la sarà acetada in la tabella di variant, donca l'è sgiontada in la pagina Jut:Grafie acetade dedent de la tabella di ortografia locai acetade.--Gat lombard (ciciarade) 11:37, 6 des 2022 (CET)[rispond]