Apendice:Come domandà e dì l'ora in lombard

Questa pagina del Wikizzionari chì l'è scrivuda in lombard, con la Noeuva Ortografia Lombarda

Te podet trovà 'sti contegnud chì anca in → ingles. italian

Come domandà l'ora

Che (agetiv interogrativ) + ore + a (pronom debol universal) + 3^persona plural al moeud indicativ present del verb vesser + ?

opur

Che (agetiv interogrativ) + ora + l' (pronom debol feminil de 3^ persona singolar) + 3^persona singolar al moeud indicativ present del verb vesser + ?

opur

Quante + 3^persona plural al moeud indicativ present del verb vesser + i ore?

Esempi:

Che ore a inn? (MI^- )

Che ora l'è? (MI^- )

Quant'inn i ore? (MI^- )

Domandà a vun l'ora second el sò orelogg

Che ora el fà el tò orelogg? (MI^- )

Che ora fal el tò orelogg? (MI^-(arc.) )

Che ora te feet al tò orelogg? (MI^- )

Che ora feet al to orelogg? (MI^-(arc.) )

Come dì l'ora

a (pronom debol universal) + 3^persona al moeud indicativ present del verb vesser * + ...

* foeura che per i 0:00, 1:00, 12:00, 13:00 1^sing

Esempi: (in dialet milanes)

L'è mezanot
L'è la voeuna de not
A inn i dò de not
A inn i trè de not

...

0:00 = mezanot /mezanocc)
1:00 = la vuna / la voeuna (de/da nocc / not)
2:00 = i do ore (de not)
3:00 = i tree ore (de not)
4:00 = i quatr'ore (de not)
5:00 = i cinch ore (de not / de la matina)
6:00 = i ses ore (de la matina)
6:05 = i ses e cinch, pussee com. i ses ore passade
6:10 = i ses e des, pussee com. nanmò/quasi i ses e on quart
6:15 = i ses e on quart
6:20 = i ses e vint, pussee com. i ses e on quart passade
6:25 = i ses e vintcinch, pussee com. nanmò/quasi i ses e mezza
6:30 = i ses e mezza
6:35 = i ses e trentracinch, pussee com. i ses e mezza passade
6:40 = vint ai set, i sett men vint
6:45 = on quart ai set, i set men quart, i ses e trii quart
6:50 = des ai set, i set men quart passade
6:55 = cinch ai set, i set men cinch
7:00 = i set ore (de la mattina)
8:00 = i vot ore (del dì / de la matina / matena)
9:00 = i noeuv ore (del dì / de la matina)
10:00 = i des ore (del dì / de la matina)
11:00 = i vundes ore (del dì / de la matina)
12:00 = mezdì, mez dì (/me'zdi/)
12:30 = la meza, mez dì e mezza
13:00 = la vuna (del dì / dopomezdì)
14:00 = i dò ore (del dì / dopomesdì)
15:00 = i trè ore (del dì / dopomesdì)
16:00 = i quatr'ore (del dì / dopomezdì / de la bassa)
17:00 = i cinch ore (del dì / de la bassa)
18:00 = i ses ore (de la bassa / de sira/sera)
19:00 = i set ore (de sira)
20:00 = i vot ore (de sira)
21:00 = i noeuv ore (de sira)
22:00 = i des ore (de sira / de not)
23:00 = i vundes ore (de not)

Atenzion: se droeuva el sistema di dodes ore e a se desferenzia infra 'l dì e la not , opur de alter interval de orari compagn de 'sti chì:

5:30 - 12:00 = matina
- la matina prest = de bon'ora
12:00 - 16:30 = dopomezdì
16:30 - 19:00 = bassa/bass
19:00 - 22:00 = sera /sira
- prenzipi de la sera = siretta
22:00 - 5:30 = not/nocc

Vos corelade

Come domandà e dì el dì in lombard

Riferiment

Claudio Beretta, A lezione di grammatica milanese, Circolo Filologico Milanese, pag.82 MI^-
Circolo Filologico Milanese (2018). dizionario Milanese. Antonio Vallardi, pag. 106. ISBN 978-88-6987-846-6. MI^-