Questa pagina del Wikizzionari chì l'è scrivuda in lombard, con la Noeuva Ortografia Lombarda

Te podet trovà 'sti contegnud chì anca in → ingles, italian

La strutura la fà uso de la particola pronominal impersonal se (o sa a segonda del dialet), el soget el gh'è no, desgià che l'è una forma impersonal. Se po tut al pu meter el soget debol universal a (foeura che in di dialet lombard meridional soratut el paves, l'oltrepadan e 'l lomelin). El verb l'è coniugad a la terza persona singolar.

( Pronom soget debol universal ) + Particola impersonal "se" + Predicad + (Complement oget) + (Alter complement)

Esempi:MI^-

A se mangia ben

In d'una forma andeghera i pronom "a" e "se" podeven vegnì trad insema a fà su es

Esempi:MI^-

Es mangia ben

Despess i complement de stat in loeugh se mete al principi de la fras:

Esempi:MI^-

A Napoli a se mangia ben

In d'un quai dialet, infra de lor del milanes, l'è minga obligatori el pronom debol universal e s'è solit a scriver:

Esempi:MI^-

A Napoli se mangia ben