Và al contegnud

Apendice:Forma riflessiva in lombard

De Wiktionary
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda
Te podet trovà 'sti contegnud chì anca in → ingles, italian

Riflessiva senza complement oget[modifega]

La fras riflessiva senza complement oget l'è la fras in la qual el complement oget e 'l soget a inn l'istessa entità.

Strutura tipica (fras ai moeud indicativ, consgiuntiv o condizzional)[modifega]

La strutura la fà uso de la particola pronominal riflessiva/impersonal se.

In lombard ocidental:

(Soget fort) + (Soget debol) + Particola riflessiva "se"1 + Predicad + (Alter complement)

1 in d'un quai dialet 'me 'l milanes e alter de la lombardia meridional, domà per la 1^ prima persona singolar se dopera la particola complement "me" inveci che "se"

Esempi:
el se ciama Genesio ... MI-
Mi se ciami Genesio ... Lagh-
Mi me ciami Genesio ... MI-

In lombard oriental:

(Soget fort) + Particola riflessiva "se" + (Soget debol) + Predicad + (Alter complement)
Esempi:
se 'l ciama Genesio ...BG+

Strutura tipica (fras ai moeud infinid, gerondi, imperativ de 1-2^persona)[modifega]

La forma riflessiva, in tucc i dialet via che 'l Bregajot e 'l Pos'ciavin l'è fada su cont el sgiontà di particole pronominali riflessive in forma de sufiss; varda la pagina sora i particole pronominai.

In di dialet Bregajot e 'l Pos'ciavin la ven fada su a l'istessa manera de l'indicativ, congiuntiv e condizzional.

Riflessiva con complement oget[modifega]

Strutura tipica (fras ai moeud indicativ, consgiuntiv o condizzional)[modifega]

La fras riflessiva con complement oget l'è la fras in la qual el complement oget l'è un quaicoss de proprietà del soget. "De facto" el pronom possessiv el ven miss al post de l'agetiv possessiv aplicad al complement oget.

In lombard ocidental:

(Soget fort) + (Soget debol) + Particola riflessiva "se"1 + Predicad + Complement oget + (Alter complement)

1 in dialet milanes e in di alter dialet de la lombardia meridional, domà per la 1^ prima persona singolar se dopera la particola complement "me" inveci che "se"

Esempi:
el se neta i pee ... MI- Lagh-
Mi se neti i pee ... Lagh-
Mi me neti i pee ... MI-

Se po anca rinforzà con l'agetiv possessiv

Esempi:
el se neta i pee ... MI- Lagh-

In lombard oriental:

Soget fort Particola riflessiva "se" + (Soget debol) + Predicad + Complement oget + (Alter complement)
Esempi:
se 'l neta i pee ... BG+

E poeu gh'è anca de dì che in dialet bergamasch a la forma riflessiva gh'inn di speficih soget debol obligatori per la 1^ persona singolar e la 2^ plural.

Strutura tipica (fras ai moeud infinid, gerondi, imperativ de 1-2^persona)[modifega]

La forma riflessiva, in tucc i dialet via che 'l Bregajot e 'l Pos'ciavin l'è fada su cont el sgiontà di particole pronominali riflessive in forma de sufiss; varda la pagina sora i particole pronominai.

In di dialet Bregajot e 'l Pos'ciavin la ven fada su a l'istessa manera de indicativ, consgiuntiv e condizzional.

Verb aparentement riflessiv[modifega]

In lombard a gh'è di verb che se fànn su a la manera di verb riflessiv, ma in realtà fànn el mester di verb in forma minga riflessiva desgià che l'azzion la se trasmet minga al soget ma a on complement. De solit a inn intransitiv ma de rar poden fina vesser transitiv, per esempi cucàss, o anca fà el mester d'on verb con fonzion servil per esempi refudàss.

Te troeuvet chichinscì la lista di verb lombard aparentement riflessiv.

Vos corelade[modifega]