Apendice:Fras relative in lombard

Questa pagina del Wikizzionari chì l'è scrivuda in lombard, con la Noeuva Ortografia Lombarda

Te podet trovà 'sti contegnud chì anca in → ingles, italian

La fras relativa l'è 'na fras inclusa in quella principal che la serviss di diss un quaicoss pussee sora un nom o un pronom de la fras principal.

Fras relative indove un nom o un pronom de la fras principal el fa el mestee del soget

...el rest de la fras principal fina al nom o al pronom sora 'l qual se fa su la fras relativa..., + che + (Soget debol)* + Predicad, + ...el rest de la fras relativa... + (el rest de la fras principal)
*soget debol, despess el se met nò in la forma parlada, comunque pussee o men obligatori a segonda di dialet

Esempi:

El March, che l' è 'l fioeul del Giovann, l'è un bravo bagai MI^-

opur (forma rara pussee leteraria)

...el rest de la fras principal fina al nom o al pronom sora 'l qual se fa su la fras relativa..., + el qual "m"/la qual "f" + (Soget debol)* + Predicad, + ...el rest de la fras relativa... + (el rest de la fras principal)

Esempi:

El March, el qual l' è 'l fioeul del Giovann, l'è un bravo bagai MI^-

A bon cunt che, el qual, la qual, i quai i inn di pronom, ciamad "pronom relativ".

Fras relative indove un nom o un pronom de la fras principal el fa el mestee del complement oget

...el rest de la fras principal fina al nom o al pronom sora 'l qual se fa su la fras relativa... + che + ( Soget fort ) + (Soget debol)* + Predicad + ...el rest de la fras relativa... + (el rest de la fras principal)
*soget debol, despess el se met nò in la forma parlada, comunque pussee o men obligatori a segonda di dialet

Esempi:

El liber che i bagai (i) hann legiud l'era interessant MI^-

Fras relative indove el soget o un complement de la fras principal el fa el mestee del complement de specificazzion in quella relativa

(forma s'ceta)

...el rest de la fras principal fina al nom sora 'l qual se fa su la fras relativa...', + che el/la + agetiv possessiv¹ + (Soget fort² ) + (Soget debol)* + Predicad + ...el rest de la fras relativa...', + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

¹ l'agetiv possessiv el gh'ha de andà d'acord cont el nom al qual la frase relativa l'è riferida;

² soget fort de la fras relativa.

Esempi:

L'om, che la soa otomobil l' era stada brusada, l'era sgiamò pover MI^-

opur (forma pussee leteraria)

...el rest de la fras principal fina al nom sora 'l qual se fa su la fras relativa..., + (Soget fort²) + del qual "m" / de la qual "f" / di quai (pl.) + (Soget debol)* + Predicad, + ...el rest de la fras relativa... + (el rest de la fras principal)

Esempi:

L'om, l'otomobil del qual l'era stada brusada, l'era sgiamò pover MI^-

Fras relative indove el soget o un complement de la fras principal el fa el mestee del complement de termin in quella relativa

(forma s'ceta)

...el rest de la fras principal fina al nom sora 'l qual se fa su la fras relativa... + che + (Soget fort² ) + (Soget debol)* + ghe + Predicad + ...el rest de la fras relativa... + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

La tosa che gh'hoo imprestad el liber l'è una bella fioeula MI^-

opur (forma pussee leteraria)

...el rest de la fras principal fina al nom sora 'l qual se fa su la fras relativa... + al qual "m" / a la qual"f" / ai quai (pl.) + (Soget fort² ) + (Soget debol)* + ghe + Predicad + ...el rest de la fras relativa... + (el rest de la fras principal)

Esempi:

La tosa a la qual gh'hoo imprestad el liber l'è una bella fioeula MI^-

(indove ghe l'è la particola pronominal de 3^ persona sing./pl. in fonzion de complement de termin)

Fras relative indove el soget o un complement de la fras principal el fa el mestee del complement de argoment in quella relativa

(forma s'ceta)

...el rest de la fras principal fina al nom sora 'l qual se fa su la fras relativa... + che + (Soget fort² ) + (Soget debol)* + Predicad + ...el rest de la fras relativa... + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

La tosa che te disevi l'è una bella fioeula MI^-

opur (forma pussee leteraria)

...el rest de la fras principal fina al nom sora 'l qual se fa su la fras relativa... + del qual "m" / de la qual"f" / di quai (pl.) + (Soget fort² ) + (Soget debol)* + ghe + Predicad + ...el rest de la fras relativa... + (el rest de la fras principal)

Esempi:

La tosa de la qual te disevi l'è una bella fioeula MI^-

Fras relative indove el soget o un complement de la fras principal el fa el mestee del complement de compagnia in quella relativa

...el rest de la fras principal fina al nom sora 'l qual se fa su la fras relativa..., + che + (Soget fort² ) + (Soget debol)* + ghe + Predicad+ (complement oget de la relativa) + insema + ...el rest de la fras relativa..., + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

La tosa, che gh' hoo parlad insema, l'è una bella fioeula MI^-

(forma s'ceta in presenza de verb servil)

...el rest de la fras principal fina al nom sora 'l qual se fa su la fras relativa..., + che + (Soget fort² ) + (Soget debol)* + + Predicad+ -gh + (complement oget de la relativa) + insema + ...el rest de la fras relativa..., + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

La tosa, che vorevi parlàgh insema, l'è una bella fioeulaMI^-
(indove ghe l'è la particola averbial in fonzion de complement de stat in loeugh )

opur (forma pussee leteraria)

...el rest de la fras principal fina al nom sora 'l qual se fa su la fras relativa..., + cont l qual "m" / con la qual"f" / coi quai (pl.) + (Soget fort² ) + (Soget debol)* + ghe + Predicad + ...el rest de la fras relativa..., + (el rest de la fras principal)

Esempi:

La tosa, con la qual hoo parlad, l'è una bella fioeula MI^-

La tosa, con la qual vorevi parlà, l'è una bella fioeula MI^-

opur

...el rest de la fras principal fina al nom sora 'l qual se fa su la fras relativa..., + con che + (Soget fort² ) + (Soget debol) + Predicad + ...el rest de la fras relativa..., + (el rest de la fras principal)

Esempi:

La tosa, con che hoo parlad, l'è una bela fioeula MI^-

La tosa, con che vorevi parlà, l'è una bela fioeula MI^-

Fras relative indove el soget o un complement de la fras principal el fa el mestee del complement stat in loeugh/moto a loeugh in quella relativa

...el rest de la fras principal fina al nom sora 'l qual se fa su la fras relativa..., + indove + (Soget fort² ) + (Soget debol)* + Predicad + (complement oget de la relativa) + ...el rest de la fras relativa... + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

El post indove son stad l'era bell MI^-

opur ...el rest de la fras principal fina al nom sora 'l qual se fa su la fras relativa..., + che + (Soget fort² ) + (Soget debol)* + ghe + Predicad + (complement oget de la relativa) + ...el rest de la fras relativa... + (el rest de la fras principal)

*soget debol, despess el se met nò in la forma parlada, comunque pussee o men obligatori a segonda di dialet

² soget fort de la fras relativa.

Esempi:

El post che ghe son stad l'era bell MI^-

Fras relative indove el soget o un complement de la fras principal el fa el mestee d'un complement in quella relativa (che 'l sia minga vun di quai s'è sgiamò did chì de sora)

La forma pussee lombard de tirà in pee 'sti fras chì coi relative preposizzion l'è questa chì. Se droven i forme che chi de sora inn stade ciamada "pussee leterarie", con la relativa preposizzion a segonda del complement.

Esempi:

La reson per la qual scombatom l'è la liberazzion ( MI^- )

In del cas che 'l verb de la fras relativa l'è "vesser" i fras i poden vesser mej tirade in pee in questa manera chì:

verb vesser a la 3^ persona singolar + preposizione + predicat nominal de la fras a la manera leteraria + che + verb de la fras relativa + el rest de la fras relativa

o ben l'esempi de prima el diventa:

A l'è per la liberazzion che scombatom ( MI^- )

Riferiment

• Claudio Beretta, A lezione di grammatica milanese, Circolo Filologico Milanese, pag.94 MI^-