Wikizzionari:Pagina principala/Inseriment

De Wiktionary
Salta a la navigazzion Và a cercà
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

Procedure guidade per l'inseriment de parolle noeuve

Atenzion: questa pagina chì la forniss una manera meza automatica de lavorà quand che te voeuret creà di pagine noeuve con dent di parole noeuve in lengua lombarda o forestera (che sien nom, agetiv, verb o averb): per di alter tipi de parole o se i pagine esisten sgiamò per esempi perchè gh'hann dent sgiamò magara l'istessa parolla in alter lengue o semper in lengua lombarda, cont un'altra fonzion come part del discors, quella procedura chì la va ben nò. Te gh'hee de modifegà la pagina (varda Jut:Come se modifica una pagina) cont el sgiontà el codes che te copiaret de la pagina Help:Sintassi di pagine noeuve che l'andarà a slongà la pagina sgiamò presenta.

Varda anca ► Guida essenzial

Te voeulet sgiontà una parolla noeuva?

Inanz de tut regorda che la lengua lombarda la gh'hà minga un standard parlad o scrivud, i esisten vari dialet e grafie; inanz de scriver una vos noeuva controla che l'esista minga sgiamò. De fà quèst cercala in de la barra de ricerca chi de sota almanch cont el doperà i alter grafie principai, (soratut con la "Noeuva Ortografia Lombarda" - varda [1] - e la "Scriver Lombard"- varda [2]) 'chè magara l'è sgiamò stada scrivuda cont un'altra grafia.


El po vesser util anca l'indes alfabetich desgià che 'l t'ajuta a trovà di parolle compagne.

a b c d e f g h i j k l m n o p q r s t u v w x y z
A B C D E F G H I J K L M N O P Q R S T U V W X Y Z


Stà nò a scrivela de noeuv se t'hee desquattad che l'è stada sgiamò scrivuda con un'altra grafia; i pagine a inn fade de manera che el titol el sìa fad domà cont una grafia e poeu in la pagina gh'è ona tabella che la gh'hà dent l'istessa parolla con di alter grafie. De tucce i manere se te conosset nò i alter i grafie, preoccupess minga e fala istess, al massim in seguit i do pagine i vegnarann trade insema. Se t'hee trovad dò pagine scrivude con do grafie o du dialet varda ► Ajut:Come unì i vos lombarde.

Se la gh'è sgiamò ma cont un'altra grafia

Se la pagina l'esist sgiamò ma in d'un'altra grafia e/o dialet, derva la pagina sgiamò esistenta cercada con la fonzion de ricerca, poeu denter in de la pagina medemma, completa la tabella "Gnome-go-down.svg Gnome-go-up.svg Variant" con la noeuva grafia specificand anca el dialet, te podet anca specificà la pronunzia in del to dialet segond l'alfabet fonetich internazzional (IPA). Ten a ment che 'l Lombard el gh'hà sgiamò un frach de dialet e grafie, donca quand che te completet la tabella cont i grafie locai doprei domà per i dialet che a inn stade destinade. Per esempi volta no in bergamasch cont el doprà la grafia milanesa, se de nò la lista la finiss pù e 'l ven foeura un rebellot.

Quand t'hee sistemad la pagina crea on redirezzion, o ben ona vos che la gh'hà 'me titol la toa parolla e che la mena a la vos sgiamò averta ma che la gh'hà come titol l'istessa parolla ind un'altra grafia e/o dialet che mena a la pagina sgiamò esistenta. De fà la redirezzion, met denter ind la sbarra la parolla scrivuda con la toa grafia, schiscia "crea la redirezzion" e poeu vàgh adrée al model propost (te podet fà di redirezzion anca per i plural vers el singolar).

*Indove che te ven domandad el dialet, droeuva i sigle (varda ► Jut:Dialet) in del codes infra i parentesi grafe doppie {{ }} per esempi per indicà el dialet milanes scriv in del codes {{-MI}}. Se te gh'hee de creà la redirezzion in d'una vos che la gh'è sgiamò varda ►Ajut:Redirezzion.
Te podet anca sgiontà i part del discors a segonda de la parolla che l'è varda i istruzzion del modell "redirezzion".

Se te voeulet sgiontà on definizzion in d'ona grafia diferenta de quella del titol

Se te voeulet sgiontà ona definizzion in d'ona grafia diferenta de quella del titol, per esempi ona vos l'è scrivuda in Scriver lombard e te voeulet sgiontà ona definizzion con la Noeuva Ortografia Lombarda marca la fin de la definizion con {{defNOL}} (istess con {{defSL}} in del cas de la Scriver Lombard quand che 'l titol l'è in NOL). regordes che se poden drovà per i definizzion domà i grafie acetade (varda paragraf de sota).

Grafie acetade

Se te voeuret sgiontà una parolla noeuva te podet fall con qualsessia grafia, te seet comunque invidà a doperà voeuna di grafie panlombarde (la "Noeuva Ortografia Lombarda" - varda [3] - o la "Scriver Lombard"- varda [4]) cont el specificà denter ind la vos la grafia e magara anca el dialet che t'hee doprad. ►Jut:Grafie acetade. Droeuva ona grafia local domà se te seet minga bon de drovà la Noeuva Ortografia Lombarda o la Scriver Lombard e fànn segnal in alt in del codeswiki de la pagina cont el scriver " {{G}} ", un quaivun el gh'havarà de passà denter a voltà i pagine segnalade in voeuna di ortografie panlombarde acetade.

Sgionta la vos noeuva se la gh'è nananmò!

Per giontà 'na vos nuoeva scrivela in voeuna di sbarre chì de sota a segonda del roll de la parolla in del discors (Verb, Agetiv, Nom...), poeu schiscia "Crea" e vagh adree ai modei propost. Per capì mej te podet anca vardà l'esempi de compilazzion per on verb lombard.Te podet met denter anca di parolle forestere idest minga lombarde. Indoe che te ven domandad el dialet, drova i sigle (varda ► Jut:Dialet, Jut:Domande frequente sora la lengua lombarda) in del codes infra i parentesi grafe doppie {{ }} per esempi per indicà el dialet milanes scriv in del codes {{-MI}}.

Nom lombard Verb lombard Agetiv lombard Averbi lombard




Nom minga lombard Verb minga lombard Agetiv minga lombard Averbi minga lombard




Atenzion: (1) la pagina predefinida la gh'hà dent di modei che la ben per la Noeuva Ortografia Lombarda. Se te drovet la "Scriver lombard" slonga el nom del model con "SL" per esempi {{-hyphSL-}}inscambi de {{-hyph-}} e via inscì . (2) Se l'è el caso che la la parolla che te voeulet inserì l'è egual come agetiv e come nom te podet sostituì el model {{-noun-}} o {{-adj-}} con {{-adjnoun-}} e sgiontà in fond a la pagina la categoria de l'agetiv voltra quella del nom o viceversa. (3) i verb preposizzionai inn di verb per so cunt donca cuntà su e cuntà i gh'hann de stà in su di pagine per so cunt. (Ma te podet meter in su la pagina de "cuntà" un rimand vers la pagina "cuntà su" cont el doperà i modei "locuzzion-derva" e "locuzzion-sarra su", a l'istessa manera se po fà per i locuzzion che gh'hann denter ona certa parolla). (4) A se scriven i verb domà al moeud infinid; per i vos verbai, varda putost Jut:Sintassi_pagine_noeuve#Vos di verb lombard; (5) I agetiv e i nom se sgionten domà al singolar con quella procedura chì, pwer el plural dopera la procedura sgeneral cont el ciapà el codes de la pagina Jut:Sintassi pagine noeuve.


In quant ai verb lombard 'na volta tirada in pee la pagina te podet classificà el verb (regolar, iregolar, transitiv ecc...) cont el modificàlla per mez de la sgionta del modell "verb" sota la riga del modell "{{pn}}". La soa sintassi l'è despiegada chichinscì.

A gh'è poeu di alter modei che se poden sgiontà in di vos. Varda la pagina de jut.

Procedura sgeneral

Per qualsessia part del discors che la gh'è minga in di caselle chì de sora (per esempi locuzzion agetival, locuzzion nominai ecc.) a gh'è semper la procedura sgeneral, o ben scriv in la casella chi de sota:

→ Parolla noeuva →→ style="background-color:#7FFFD4;"

Quand che a se derva la pagina noeuva copiegh denter el codes ciapad de questa pagina chì: Jut:Sintassi pagine noeuve e completa.

Ligam a Wikipedia in lengua Lombarda

Ajut:Ligam a Wikipedia

Atenzion: casi rar ma dificil de gestì

►Se la pagina la gh'è sgiamò (condemanch che la sia ona redirezzion) ma te voeulet scriver ona pagina in d'on'altra ortografia panlombarda acetada (e quell mester chì l'è permetud de fàll domà in del rar cas che l'istessa parolla la cambia signifegad a segonda de l'ortografia) opur te voeulet creà ona pagina de redirezzion in qualsessia ortografia acetada, tira in pee ona pagina che la gh'habia 'me titol la parolla che te voeulet scriver seguida de /SL se l'ortografia drovada l'è la Scriver Lombard,/NOL se l'è la Noeuva Ortografia Lombarda,/MILCLASS per l'ortografia milanesa (e poeu a ghe sariss anca /DUC per l'ortografea del Ducad,/LOCC per l'ortografia insubrica unificada,/LSI per el lessich dialetal de la vizzera italiana, /LOD per l'ortografia lodesana, /CRES per l'ortografia cremasca).

Per tirà in pee i pagine drova i caselle chì de sora, 'me per i vos normai. ( A l'è on esempi la pagina: "lustrissem/MILCLASS")

Donca và a la pagina che l'era sgiamò esistenta e mèt on ligam vers la pagina noeuva che t'hee cread cont el scriver {{alter grafie|MILCLASS}} in alt, sota == {{-lmo-}} == in del codes de la pagina, per rimandà a ona pagina /MILCLASS, opur {{alter grafie|SL}} per mandà a ona pagina /SL, in del cas de tute do fà inveci {{alter grafie|SL-MILCLASS}}. Se a se voeul sgiontàgh per esempi l'ortografia milanesa a ona pagina in SL l'è possibil, l'è assee a sgiontàgh el codes de sota, poeu però el titol de la pagina el gh'ha de vesser cambiad e diventà .../SL-MILCLASS. Per cambiàgh el titol doperà la fonzion "Sposta" de la lista che se derva con el cilicà sora l'eticheta an'mò in alt a destra (poden fàll domà i utent registrat, se te seet minga registrat ciamegh de fàll a on aministrador.

E naturalment el mester l'è l'istess per tute i ortografie acetade.

Se inveci la pagina la gh'he sgiamà ma l'è domà on redirezzion và inanz a scriver de sota cont on'altra redirezzion. Inanz de la seconda redirezzion scriv el codes {{alter grafie}} (varda i istruzzion de la pagina de aiut a proposit di redirezzion). Se ona pagina la gh'ha diverse redirezzion e voeuna l'è in ortografia panlombarda questa chì la gh'ha de vesser scrivuda de sora.

Ocio:

  • quell mester chì l'è de fà domà quand che una parolla lensgiuda second do diverse grafie la voeul dì do parolle diverse, minga quand che l'istessa parolla lensgiuda con l'istessa grafia la gh'hà du significad. In quel caso chì, assee comun, te gh'heet de sgiontàgh semplicament l'alter significad dent in la stessa pagina.
  • in del cas di pagine de redirezzion che rimanden a ona pagina che la gh'ha l'istess nom de la vos (per esempi lustrissem/MILCLASS vers lustrissem l'è mei se te scrivet "→varda:" inscambi de:"→variant de:" de sgià che 'ste pagine chì i rimanden a ona pagina che la gh'ha l'istess nom.

►Un'alter cas sossenn rar l'è quell che 'l capita quand che l'a parolla de sgiontà, e l'è una variant d'una altra parolla sgiamò presenta in del dizzionari. In quel caso chì te gh'hee de tirà in pee ona desabiguazzion l'è una sorta de doppia redirezzion vers i do pagine e poeu de scriver sgiontà sota == {{-lmo-}} == in del codes de la pagina sgiamò esistenta:

  • {{alter dialet|desambiguazzion}} (se la desambiguazzion la dipend del dialet drovad)
  • {{alter acent|desambiguazzion}} (se inveci la desambiguazzion l'è fondada sora l'acent de do parolle che se scriven a l'istessa manera, opur, in forma sgeneral)
  • {{alter significad|desambiguazzion}} (semper in sgeneral se te se nò 'se fà)


Per tirà in pee la desambiguazzion scrìv la parolla in la casella chì de sota al post de "parolla", donca schiscia in su "Crea la pagina de desambiguazzion" e poeu vàgh adree al modell propost.


Esempi: me/desambiguazzion

Te voeulet scriver la coniugazzion d'un verb?

Scriv el verb a l'infinid inscambi de "verb" poeu vagh adree a pagina proposta


(con la parolla del verb inscambi de verb oviament).

Pagine d'ajut util:

Ajut:Pronom personai soget in lombard
Ajut:Conjugazzion
Ajut:Sigle
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda