or

Lombard[modifega]

► Locuzzion con "or"

or m (pl:or) - scrivud con la Noeuva Ortografia Lombarda - dialet: MI^-

(chim.) element chimegh solid, che 'l fà part del grup metai del grup d, che 'l gh'ha numer atomich 79, pes atomich 196,9665 e simbol chimegh Au. El gh'ha on pes specifegh alt de 19,3 g/cm³, l'è poch reativ, l'è present in natura soratut al stat nativ in forma de cristai a moeud di ram d'ona pianta, pajoche o polver:
( TECN) metall prezzios sgiald brillant, facil a vesser lavorad; a l'è drovad in lega con con di alter metai per collane e monede, de rar l'è drovad pur propi perché l'è trop docil a lavoràll; l'è drovad anca per la produzzion d'ona quai opra d'arte per la doradura ornamental, di pont dentai e di rivestiment de protezzion boni di rifleter la lus infrarossa e visibel, per l'eletroforesi in diagnostica medega e in di contat eletrich per cresser la resistenza a la corosion
^[1] ornament o oget lavorad d'or

Note

Singolar	Plural	Ortografia	Dialet
òr	òr	Milanesa classica	MI^-
? ►	? ►	Scriver Lombard	-

sing/pl: IPA: /'ɔ:r/ (dialet: MI^- )

la gh'è nò l'etimologia; se te voeulet, tàcheghela

"sincer 'me l'or" = "pur" ^{(grafia: NOL ; dialet: Ocidental MI^-)}
"sincer 'me l'or" = "esat in termin de pes o misura" ^{(grafia: NOL ; dialet: Ocidental MI^-)}
" mangià l'or cont el cugiaa" = "trasà i daner" ^{(grafia: NOL ; dialet: Ocidental MI^-)}
"on nagotin d'or col manich d'arsgent" = "on cadò che 'l var poch o nagot" ^{(grafia: NOL ; dialet: Ocidental MI^-)}
"on nagotin d'or fad su in de la carta d'arsgent" = "on cadò che 'l var poch o nagot" ^{(grafia: NOL ; dialet: Ocidental MI^-)}
" or de Bologna che 'l ven ross per la vergogna" = "material compagn de lò'or ma che l'è minga or, or mat" ^{(grafia: NOL ; dialet: Ocidental MI^-)}

Lengov A - Z

Circolo Filologico Milanese (2018). Dizionario Milanese. Antonio Vallardi, pag. 137. ISBN 978-88-6987-846-6. MI^-
Francesco Cherubini, Vocabolario milanese-italiano, 1841, Vol. 3 pag. 213 MI^-(arc.)